Միջոցառումներ - 2017
Ապրիլի 6
|
Թանգարանում կայացավ հանդիպում «Հայ հերոսուհի կանայք» գրքի հեղինակ, ԵՊՀ պատմության ֆակուլտետի դեկան, պատմական գիտությունների դոկտոր, պրոֆեսոր Էդիկ Մինասյանի հետ: Ներկաները հնարավորություն ունեցան ծանոթանալ այս շատ հետաքրքիր և արժեքավոր գրքի ստեղծման պատմությանը, լսել հեղինակի մեկնաբանությունները: Միջոցառմանը ներկա էին ինչպես գիտության և արվեստի բնագավառում աշխատող, այնպես էլ Արցախի ազատամարտում աչքի ընկած կանայք՝ «Ազատամարտիկ կանանց» հասարակական կազմակերպության նախագահ Աիդա Սերոբյանը, «Անահիտ» ջոկատի ղեկավար Անահիտ Մարտիրոսյանը, ինչպես նաև ԵՊՀ «Վարդանանք» ակումբի նախագահ Սաթենիկ Աբրահամյանը: Միջոցառման պատվավոր հյուրն էր Արցախի ազատամարտի հերոս, գեներալ-մայոր Արկադի Տեր-Թադևոսյանը՝ լեգենդար Կոմանդոսը: Միջոցառումն իր գեղեցիկ երգերի կատարումով եզրափակեց ԵՊՀ «Վարդանանք» ակումբի սան Արթուր Խաչենցը: |
     |
