|
Առաջին անգամ Երևանի Ավետիք Իսահակյանի, Մարտիրոս Սարյանի տուն-թանգարանները և Գյումրիի Ավետիք Իսահակյանի հուշատուն-թանգարանը հանդես եկան «Գրչի և վրձնի վարպետները. Իսահակյան - Սարյան» խորագիրը կրող համատեղ կրթական ծրագրով: Մեծահասակների համար նախատեսված ծրագիրն իրականացել է «ԴԻ-ՎԻ-ՎԻ» Ինթերնեյշնալի հայաստանյան գրասենյակի և «Թանգարանային կրթության կենտրոնի» աջակցությամբ։
Ծրագիրը բաղկացած էր երեք փուլից, որի երրորդ, ամփոփիչ միջոցառումը՝ «Վարպետները վարպետների քաղաքում» տեղի ունեցավ հոկտեմբերի 25-ին: Ծրագրի ընթացքում՝
|
|
Առաջին անգամ Վարպետի մասին վարպետների քաղաքում պատմեցին նրա պոեզիայի հերոսուհիները...
Ծրագրի մասնակիցները ներկայացան «Տերյան» մշակութային կենտրոնի/ Teryan Cultural Center/ տրամադրած 20-րդ դարասկզբի ոճային հագուստներով:
«Գրչի և վրձնի վարպետները. Իսահակյան-Սարյան» ծրագրի ամփոփիչ 3-րդ «Վարպետները՝ վարպետների քաղաքում» խորագիրը կրող ծրագրի ակնթարթները ֆոտոշաքով։
Հատուկ շնորհակալություն Teryan Cultural Center-ին:
. MuseumUnity_CreativeCommunity
. dvvarmenia
. museumeducationcenter
. Գրչի_և_վրձնի_վարպետները_Իսահակյան_Սարյան
. Սիրելի_կանայք_պատմում_են_Վարպետի_մասին
|
|
Համատեղ, մեծ ցուցադրություն թանգարանից դուրս...
Երևանի Ավ. Իսահակյանի և Մ. Սարյանի տուն-թանգարանների ֆոնդերում խնամքով պահպանվող նյութերը առաջին անգամ ցուցադրվեցին Երևանի և Գյումրիի երկաթգծի կայարաններում, ճեպընթաց գնացքի վագոններում։
Երեք օր ՝ 25.10.19-27.10.19, Երկաթգծի կայարանի, ճեպընթաց գնացքների ուղևորները հնարավորություն ունեցան ծանոթանալու գրչի և վրձնի վարպետների կյանքին, ստեղծագործական ուղուն, նրանց մեծ բարեկամությանը վերաբերող արխիվային բացառիկ նյութերին հենց կայարանի սպասասրահներում և գնացքով ուղևորության ընթացքում։
Ուղևորներին բաժանվեցին նաև Իսահակյանի բանաստեղծությունների և Սարյանի կտավների համադրմամբ հուշանվեր-քարտեր, թռուցիկներ:
|
|
Հանդիպում Գյումրիի երկաթգծի կայարանում...
Հոկտեմբերի 25-ին ծրագրի մասնակիցները ճեպընթաց գնացքով մեկնեցին Գյումրի: Կայարանում գնացքի ուղևորներին անակնկալ էր սպասվում. վարպետների քաղաքում նրանց դիմավորեցին ազգային երգ ու պարով: Առաջին անգամ Վարպետի մասին պատմեցին նրանց սիրելի կանայք՝ պոեզիայի հերոսուհիները՝ ուղևորներին տեղափոխելով վարպետների ապրած ժամանակաշրջանը: Ներկաները «հանդիպեցին» գրչի և վրձնի վարպետներին, առիթ ունեցան ծանոթանալու նաև նրանց ժառանգների հետ...
|
|
Իսահակյանական վայրերով՝ հանդիպում Վարպետի արձանի մոտ
Ծրագրի մասնակիցների հաջորդ կանգառը Գյումրիի դրամատիկական թատրոնի շենքն էր, որի բակում տաղադրված է Մեծ գյումրեցու՝ Ավետիք Իսահակայնի արձանը (հեղինակ` Ն. Նիկողոսյան): Վարպետի թոռը՝ Ավիկ Իսահակյանը, ծրագրի մասնակիցները, պատահական անցորդներ, պատմեցին հետաքրքիր դրվագներ, պատմություններ գրողի կյանքից: Ընթերցվեցին անտիպ նամակներ, հուշեր… Ծրագրի մասնակիցները, անցորդները ծաղիկներ դրեցին Վարպետի արձանի մոտ, այնուհետև իսահակյանական վայրերով քայլեցին դեպի գլխավոր հրապարակ…
|
|
Իսահակյանական վայրերով՝ Սուրբ Յոթ Վերք եկեղեցի
Հաջորդ կանգառը Գյումրիի վեհաշուք Սուրբ Յոթ Վերք եկեղեցին էր: Այս եկեղեցում է 1875 թ. հոկտեմբերի 30-ին գրանցվել Վարպետի ծնունդը։ Սուրբ Յոթ Վերք եկեղեցին եղել է նաև Իսահակյան ընտանիքի կիրակնօրյա աղոթատեղին։ Ավ. Իսահակյանի տուն-թանգարանի տնօրեն Անժելա Խորենյանը ներկայացրեց ուշագրավ տեղեկություններ, պատմություններ Վարպետի կյանքից, որոնք կապված են հայոց եկեղեցիների պահպանման հետ՝ կարևորելով Վարպետի ունեցած դերը դրանց փրկության գործում:
|
|
Իսահակյանական վայրերով` էքսկուրսիա Վարպետաց փողոցով...
Վարպետաց փողոցը Գյումրու այցեքարտերից մեկն է: Վարպետաց փողոցում են գտնվում երեք մեծ գյումրեցիների՝ Ավետիք Իսահակյանի, Հովհաննես Շիրազի և Մհեր Մկրտչյանի թանգարանները:
Էքսկուրսիայի մասնակիցները, պատահական անցորդները էքսկուրսիայի ընթացքում հնարավորություն ունեցան լսելու հետաքրքիր պատմություններ, հուշեր գրչի և վրձնի վարպետների՝ Ավ. Իսահակյանի և Մ. Սարյանի մասին, Վարպետաց փողոցում գտնվող նշանավոր շինությունների մասին (այդ ամենը ծրագրի մասնակիցներին ներկայացրին վարպետների ժառանգները՝ Ավիկ Իսահակյանը, Ռուզան և Սոֆյա Սարյանները, ինչպես նաև՝ Ավ. Իսահակյանի տուն-թանգարանի տնօրեն Անժելա Խորենյանը, ավագ գիտաշխատող Շուշան Հովակիմյանը, Ռիմա Գալստյանը, հուշատուն-թանգարանի տնօրեն Կարինե Վիրաբյանը, տիկին Սուսաննան և այլք):
|
|
Իսահակյանական վայրերով` Ավետիք Իսահակյանի հուշատուն-թանգարանում…
Վարպետաց 91 հասցեում է գտնվում այն տունը, որտեղ 1875թ. հոկտեմբերի 30-ին ծնվել է մեծանուն բանաստեղծը: Ավանդազրույցի համաձայն թոնրատան մի տաքուկ անկյունում է ծնվել բանաստեղծը: Հայրը՝ Սահակ Իսահակյանը, լսելով որդու ծննդյան ավետիսը, ասել է՝ թող ավետիս լինի ոչ միայն իմ ընտանիքի համար...
«Գրչի և վրձնի վարպետները. Իսահակյան-Սարյան» ծրագրի մասնակիցները շրջեցին թանգարանի հուշային սենյակներում՝ հաղորդակցվելով այն մասունքների հետ, որոնք կրում են Վարպետի շունչը, թանգարանի բակում համտեսեցին Սարյանի սիրած թեյը Իսահակյանի սիրած թխվածքով:
Վարպետի հարկի տակ առաջին անգամ գրչի և վրձնի վարպետների մասին պատմեցին տարբեր սերունդներ՝ աշակերտներից մինչև մեծահասակներ: Վարպետի մասին պատմեցին նաև նրա պոեզիայի հերոսուհիները, գրչի և վրձնի վարպետներն ընթերցեցին միմյանց հասցեագրված նամակները (վարպետների դերում հանդես եկան Գյումրու թատրոնի դերասանները): Ծրագրի ավարտին մասնակիցները հնարավորություն ունեցան դիտելու նաև վարպետների մասին պատմող բացառիկ վավերագրական ֆիլմ:
|
|
Իսահակյանական վայրերով`ֆայտոնով պտույտ Գյումրիում
Վարպետների ժառանգները՝ ամուսիններ Ավիկ Իսահակյանն ու Ռուզան Սարյանը, առաջին անգամ ֆայտոնով շրջեցին գրչի և վրձնի վարպետների անցած ճանապարհներով, եղան Գյումրիի նրանց սիրած վայրերում…
|
|
Գլխավոր էջ | Էջի սկիզբ |
