Սեպտեմբերի 29-ին «Եվրոպական ժառանգության օրեր»-ի շրջանակներում  Ավ. Իսահակյանի տուն-թանգարանում կայացավ «Pajama Party»-ն:  5-11 տարեկան երեխաները հագել էին իրենց գիշերազգեստներն ու քնելուց առաջ    ուշադրությամբ լսում էին հեքիաթներ՝ ֆրանսիական, բուլղարական և հնդկական:

 Սենյակը կահավորված էր այնպես, որ երեխաներն իրենց հեքիաթում էին զգում:  Հեքիաթները լսելուն հաջորդեց նկարչության ժամը.  պատկերեցին իրենց վրա ամենաշատը տպավորություն գործած հերոսին: Իսկ վերջում դիտեցին Վարպետի «Արջն ու օձը»  անիմացված առակն ու «անուշ քուն մտան»:

Հ.գ. Հեքիաթներն ընթերցեց տուն-թանգարանի տնօրեն Անժելա Խորենյանը:
Միջոցառման նպատակն էր եվրոպական ժողովուրդների քիչ հայտնի հեքիաթների հանրահռչակումը: Երեխաները մի պահ կտրվեցին հայ իրականությունից ու ճամփորդեցին աշխարհի երեք երկրներում սակայն, իհարկե, վերջնակետը՝ հայրենիք:

Գլխավոր էջ | Էջի սկիզբ