Միջոցառումներ - 2021
Դեկտեմբերի 28
Դեկտեմբերի 28-ին, Ավետիք Իսահակյանի տուն-թանգարանի այգում տեղի ունեցավ ամանորյա հրաշալի միջոցառում, որին մասնակցում էին և՛ մանուկները, և՛ մեծերը։ Ելույթ էր ունենում Երևանի մշակույթի և արվեստի պետական քոլեջի ջազային համույթը: Ավ.Իսահակյանի հրաշալի այգում թևածում էր տոնական տրամադրություն, ջազային մեղեդիներ, որոնք ,չնայած ցուրտ եղանակին, հիանալիորեն ջերմացրին բոլորի հոգիները։ Նոր տարվա հեքիաթը համախմբել էր ամենքին` դառնալու հրաշքի մի մասնիկը։ Միջոցառման ընթացքում շնորհակալագրեր հանձնվեցին թանգարանի բարեկամ դպրոցներին, լավագույն ընկերներին։ Ամփոփվեց նաև « լավագույն բարեմաղթանք-ցանկություն Ձմեռ պապիկին» մրցույթը, որի հովանավորն էր Stationery.am ընկերությունը։ Թող Նոր տարին սեր և բարություն բերի բոլորիս:
|
     |
