Օգոստոսի 22-ին Ավետիք Իսահակյանի տուն-թանգարանում կայացավ արվեստագիտության դոկտոր (PhD) Անի Մարգարյանի հանրային դասախոսությունն ու ցուցահանդեսի բացումը՝ նվիրված Վարպետի անձնական արևելյան հավաքածուին․
Իսահակյանի տուն-թանգարանում պահպանվող բուդդայական և դաոսական արձանիկներն ու չինական ծագման իրերը առաջին անգամ ներկայացվեցին ոչ միայն որպես դեկորատիվ առարկաներ, այլև որպես Վարպետի և չինական մշակույթի ու փիլիսոփայության միջև տարիներ շարունակ ծավալված խորը երկխոսություն։
Հիմնվելով թանգարանային հազվագյուտ արխիվային նյութերի վրա՝ բանախոսն առաջին անգամ ամբողջականացրեց այս չուսումնասիրված շերտը՝ ցույց տալով, թե ինչպես են մեծ գաղափարները ճանապարհորդում նաև նյութական մշակույթի միջոցով։
Շնորհակալություն ենք հայտնում բանախոսին և բոլոր ներկաներին՝ քաղաքակրթությունների այս հետաքրքիր հանդիպմանը մասնակցելու համար։
 

Գլխավոր էջ | Էջի սկիզբ